رپورٹ: سہیل عمران
آئی سی سی چیمپئنز ٹرافی کے میچز کے لیے ٹکٹوں کی فروخت جلد شروع ہو گی۔ ذرائع کے مطابق، پاکستان میں ہونے والے میچز کی ٹکٹوں کی قیمتوں پر مشاورت مکمل کر لی گئی ہے۔ ابتدائی اطلاعات کے مطابق، ٹکٹ کی کم سے کم قیمت 1000 روپے جبکہ زیادہ سے زیادہ قیمت 25 ہزار روپے مقرر کیے جانے کا امکان ہے۔
لاہور، کراچی، اور راولپنڈی کے وینیوز پر ٹکٹوں کی قیمتوں میں فرق ہوگا، اور وی آئی پی، پریمیم، فرسٹ کلاس، اور ہوسپیٹلیٹی کی مختلف کیٹیگریز میں ٹکٹیں دستیاب ہوں گی۔ سیمی فائنل میچز کے لیے ٹکٹ کی کم از کم قیمت 2500 روپے تک ہو سکتی ہے۔
چیمپئنز ٹرافی 2025 ہائبرڈ ماڈل کے تحت پاکستان اور یو اے ای میں منعقد ہو گی۔ ایونٹ کا آغاز 19 فروری کو کراچی میں پاکستان اور نیوزی لینڈ کے درمیان میچ سے ہوگا۔
