پریذیڈنٹ ٹرافی گریڈ ون کرکٹ ٹورنامنٹ کا چوتھا رائونڈ کل(اتوار )سے شروع ہو گا اور مختلف وینیوز پر چار میچ کھیلے جائیں گے ۔ پی سی بی کے مطابق او جی ڈی سی ایل اور غنی گلاس کے درمیان چار روزہ میچ یو بی ایل سپورٹس کمپلیکس میں کھیلا جائے گا ۔
واپڈا اور سٹیٹ بینک کی ٹیمیں کے سی سی اے سٹیڈیم میں مدمقابل ہوں گی ۔
پی ٹی وی اور ایشال ایسوسی ایٹس کے درمیان میچ این بی پی سپورٹس کمپلیکس میں کھیلا جائے گا جبکہ کے آر ایل اور ایس این جی پی ایل کی ٹیمیں سٹیٹ بینک سٹیڈیم میں آمنے سامنے ہوں گی۔ تین رائونڈ مکمل ہونے کے بعد سٹیٹ بینک 60 پوائنٹس کے ساتھ پہلے ، او جی ڈی سی ایل 53 پوائنٹس کے ساتھ دوسرے اور غنی گلاس 47 پوائنٹس کے ساتھ تیسرے نمبر پر ہے ۔
