پریذیڈنٹ ٹرافی گریڈ ون کرکٹ ٹورنامنٹ کے تیسرے رانڈ کے چوتھے اور آخری دن او جی ڈی سی ایل نے واپڈا کو 62 رنز سے شکست دے دی۔پی ٹی وی اور کے آر ایل کا میچ ڈرا ہوگیا۔چوتھے دن کے کھیل کی خاص بات پی ٹی وی کے محمد طحہ کی ڈبل سنچری وقار حسین کی سنچری اور اوپننگ ٹرپل سنچری پارٹنرشپ تھی۔ کے سی سی اے اسٹیڈیم میں واپڈا کو او جی ڈی سی ایل کے خلاف جیتنے کے لیے 321 رنز کا ہدف ملا تھا لیکن تیسرے دن کھیل کے اختتام پر اس کی دو وکٹیں 9 رنز پر گرگئی تھیں۔
جمعرات کو پوری ٹیم 258 رنز بناکر آٹ ہوگئی۔ایاز تصور نے 15 چوکوں اور 4 چھکوں کی مدد سی126 رنز اسکور کیے اور آٹ نہیں ہوئے۔انہوں نے بسم اللہ خان کے ساتھ چھٹی وکٹ کی شراکت میں 100 رنز کا اضافہ کیا۔
بسم اللہ خان نے 42 رنز بنائے۔مشتاق کلہوڑو نے 96 رنز دے کر 5 وکٹیں حاصل کیں۔اسٹیٹ بینک اسپورٹس کمپلیکس میں پی ٹی وی نے آج اپنی دوسری اننگز131 رنز بغیر کسی نقصان شروع کی اور کھیل ختم ہونے پر3 وکٹوں پر 456 رنز بنائے ۔محمد طحہ اور وقار حسین نے شاندار بیٹنگ کی۔ وقار حسین نی11 چوکوں اور 3 چھکوں کی مدد سے 154 رنز اسکور کیے۔ محمد طحہ نے 226 رنز کی اننگز کھیلی جس میں17 چوکے اور 9 چھکے شامل تھے۔ ان دونوں نے پہلی وکٹ کی شراکت میں 344 رنز کا اضافہ کیا ۔سلمان خان 50 رنز بناکر ناٹ آٹ رہے۔
