عالمی ٹی 20 کپ کے سپر8مرحلے تک رسائی حاصل کرنے میں ناکام 15 رکنی پاکستان کرکٹ ٹیم کے 9 کھلاڑی واپس وطن پہنچ گئے۔
قومی ٹیم کے دو کھلاڑی اعظم خان اور حارث روف امریکہ ہی میں رک گئے ہیں جبکہ دیگر تین کرکٹرز محمد عامر، عماد وسیم اور شاداب خان انگلینڈ میں ڈیرے ڈالنے کا ارادہ رکھتے ہیں۔
دبئی کے راستے واپس وطن آنے والوں میں محمد رضوان، فخر زمان، افتخار احمد، نسیم شاہ، شاہین شاہ آفریدی، محمدعباس آفریدی، عثمان خان، ابرار احمد، اور صائم ایوب شا مل ہیں۔
قومی ٹیم نے تیسرے میچ میں کینیڈا کو 7 اور پھر چوتھے و آخری میچ میں آئر لینڈ کو 3 وکٹوں سے شکست دی تاہم 4 میچز میں اتنے ہی پوائنٹس جوڑنے والی پاکستان ٹیم سپر ایٹ مرحلہ میں جگہ نہ بنا سکی اور عالمی کپ سے باہر ہوگئی۔
