صدر پاکستان ٹینس فیڈریشن اعصام الحق کا کہنا ہے کہ سیف گیمز کے دوران ریٹائرمنٹ لینے کا پلان کروں گا۔
اسلام آباد میں صدر پاکستان ٹینس فیڈریشن اعصام الحق نے اسپورٹس کانفرنس سے خطاب میں یہ بات کہی۔
ان کا کہنا ہے کہ پاکستان میں سیف گیمز ہوں گے یا نہیں؟ اس حوالے سے میں کافی پُرجوش ہوں۔
اعصام الحق نے کہا کہ کرکٹ کی طرح دیگر کھیلوں کو بھی مواقع فراہم کرنے کی ضرورت ہے۔
صدر پاکستان ٹینس فیڈریشن نے یہ بھی کہا کہ سیف گیمز میں بھارت سے زیادہ گولڈ میڈلز لینے کا ہدف بنانا چاہیے۔
اسپورٹس کانفرنس سے خطاب کرتے ہوئے سیکریٹری بین الصوبائی رابطہ ندیم ارشد کیانی نے کہا کہ پاکستان اسپورٹس بورڈ میں کافی مافیاز تھیں جنہیں ختم کیا۔
سیکریٹری بین الصوبائی رابطہ ندیم ارشد کیانی نے یہ بھی کہا کہ پاکستان اسپورٹس اکانومی پر پالیسی بنائیں گے۔
