پاکستان نے دوسرے ون ڈے میں جنوبی افریقہ کو 81 رنز سے شکست دے کر تین میچوں کی سیریز میں 0-2 کی فیصلہ کن برتری حاصل کرلی ۔پروٹیز کی ٹیم 330 رنز کے ہدف کے تعاقب میں 43.1 اوورز میں 248 رنز پرڈھیر ہوگئی۔
جنوبی افریقہ کی جانب سے اینرک کلاسن نے 97 رنز کی اننگ کھیلی۔ ٹونی ڈی زورزی 34، ڈیوڈ ملر 29، ریسی وین ڈر ڈوسین 23، ایڈن مارکرم 21، کپتان ٹیمبا بووما 12، ژورن فورٹین 9، مارکو جینسن 3،کوینا مافاکا 1 اور اینڈائل فیلوکوایو 1 رن بنا کر آؤٹ ہوئے۔
شاہین شاہ آفریدی نے چار اور نسیم شاہ نے 3 کھلاڑیوں کو آؤٹ کیا۔ ابرار احمد نے 2 اور سلمان آغا نے ایک وکٹ حاصل کی۔
کامران غلام کو مین آف دی میچ قرار دیا گیا جنہوں 32 گیندوں پر 63 رنز کی جارحانہ اننگزکھیلی جس میں 5 چھکے اور 4 چوکے شامل تھے۔
جنوبی افریقہ کے دارالحکومت کیپ ٹاؤن میں کھیلے گئے دوسرے ایک روزہ میچ میں پروٹیز کپتان ٹیمبا باووما نے ٹاس جیت کر پہلے باؤلنگ کا فیصلہ کیا، پہلے میچ میں آرام کرنے والے باووما کی ٹیم میں واپسی ہوئی ہے۔
قومی ٹیم 49.5 اوورز میں 329 رنز بنا کر آل آؤٹ ہوئی، پاکستان کی جانب سے کپتان محمد رضوان 80 رنز بنا کر ٹاپ اسکورر رہے۔
گرین شرٹس کی جانب سے اوپننگ بیٹر عبداللہ شفیق اور صائم ایوب نے اننگز کا آغاز کیا۔
تاہم عبداللہ شفیق مسلسل دوسرے میچ میں ناکام رہے اور بغیر کوئی رن بنائے پویلین لوٹ گئے، اس کے بعد صائم ایوب اور بابر اعظم نے دوسری وکٹ پر 48 رنز کی شراکت داری قائم کی، گزشتہ میچ میں سینچری اسکور کرنے والے صائم ایوب 25 رنز بنا کر آؤٹ ہوئے۔
53 رنز پر 2 کھلاڑی آؤٹ ہونے کے بعد محمد رضوان اور بابر اعظم نے ٹیم کے اسکور کو آگے بڑھایا، دونوں کھلاڑیوں نے پر اعتماد بیٹنگ کی اور نصف سینچریاں اسکور کی، بابر اعظم نے کریئر کی 33 ویں اور محمد رضوان نے 14ویں ففٹی اسکور کی۔
ابر اعظم 73 رنز اور محمد رضوان 80 رنز بنا کر آؤٹ ہوئے، دونوں نے ملکر ٹیم کے اسکور کو 200 رنز کے قریب پہنچایا، اس کے بعد آغا سلمان اور کامران غلام نے بھی جارحانہ بلے بازی کی، آغا سلمان 30 اور کامران غلام 32 گیندوں پر 63 رنز بنا کر آؤٹ ہوئے، ان کی اننگز میں 5 چھکے اور 4 چوکے شامل تھے، پروٹیز کی جانب سے ڈیبیو کرنے والے فاسٹ باؤلر کیوین مافاکا نے 4 کھلاڑیوں کو پویلین کی راہ دکھائی جبکہ مارکو جانسن 3 وکٹیں لے کر نمایاں باؤلر رہے۔
گرین شرٹس نے ٹیم میں کوئی تبدیکلی نہیں کی اور وننگ کمبینیشن کو برقرار رکھا ہے جبکہ جنوبی افریقہ نے چار تبدیلیاں کی ہیں، میزبان ٹیم کی جانب سے کیوین مافاکا آج ون ڈے کرکٹ میں اپنا (ڈیبیو) پہلا میچ کھیلیں گے۔
خیال رہے کہ پاکستان نے پہلے ون ڈے میچ میں جنوبی افریقہ کو سنسنسی خیز مقابلے کے بعد تین وکٹوں سے شکست سے دوچار کیا تھا، قومی ٹیم نے 240 رنز کا ہدف 7 وکٹوں کے نقصان پر آخری اوور میں حاصل کیا تھا۔
قومی ٹیم نے نوجوان بلے باز صائم ایوب کی سینچری اور نائب کپتان آٖغا سلمان کی آل راؤنڈ کارکردگی کی بدولت میچ میں فتح حاصل کی تھی۔
پاکستانی ٹیم
محمد رضوان (کپتان)، بابر اعظم، صائم ایوب، عبداللہ شفیق، کامران غلام، سلمان علی آغا، محمد عرفان خان، شاہین شاہ آفریدی، نسیم شاہ، حارث رؤف، ابرار احمد
جنوبی افریقی ٹیم
ٹیمبا باووما (کپتان)، ایدن مارکرم، ٹونی ڈی زورزی، ڈیوڈ ملر، راسی وینڈر ڈوسن، ہنرک کلاسن، مارکو جانسن، بیورن فورچون،کیوین مافاکا، تبریز شمسی
واضح رہے کہ پاکستان کرکٹ ٹیم 10 دسمبر سے 7 جنوری تک جنوبی افریقہ کے دورے میں 3 ٹی20، 3 ون ڈے اور 2 ٹیسٹ میچز کھیلے گی۔
پاکستان اور جنوبی افریقہ کے مابین پہلا ون ڈے 17 دسمبر کو کھیلا گیا، دونوں ٹیموں کے درمیان تین ون ڈے میچز پر مشتمل سیریز کھیلی جائے گی جب کہ ٹیسٹ میچز بالترتیب 26 دسمبر اور 3 جنوری کو سنچورین اور کیپ ٹاؤن میں شروع ہوں گے۔
