پاکستان کے سہیل عدنان نے برٹش جونیئر اوپن اسکواش چیمپئن شپ میں گولڈ میڈل جیت کر تاریخ رقم کردی۔
سہیل عدنان نے 18 سال بعد برٹش جونیئر اوپن اسکواش کی انڈر 13 کیٹگری میں ٹائٹل جیتا۔
سہیل عدنان نے فائنل میں مصر کے معیز تیمر المغازی کو سنسنی خیز مقابلے کے بعد شکست دی اور دو کے مقابلے میں 3 سیٹ سے کامیابی اپنے نام کی۔
سہیل عدنان کچھ روز قبل اسکاٹش جونیئر اوپن اسکواش میں بھی ٹائٹل اپنے نام کرچکے ہیں۔
تاریخی کامیابی پر صدر پنجاب اسکواش ایسوسی ایشن نور الامین مینگل نے سہیل عدنان کو مبارکباد پیش کی ہے۔
