کراچی (ویب ڈیسک)مرتبہ ورلڈ ٹائٹل اپنے نام کرنے والے پاکستان کے نامور اور عالمی شہرت یافتہ اسنوکر چیمپئن محمد آصف ورلڈ گیمز 2025 کے لیے چین روانہ ہوگئے۔
تفصیلات کے مطابق محمد آصف نے حال ہی میں دوحہ، قطر میں منعقدہ آئی بی ایس ایف ورلڈ مین اسنوکر چیمپئن شپ 2024 جیتنے کے بعد ورلڈ گیمز 2025 کے لیے کوالیفائی کیا۔
ورلڈ گیمز 2025 چین کے شہر چینگدو میں 7 اگست سے 15 اگست تک منعقد ہوں گے جس کی میزبانی ورلڈ کنفیڈریشن آف بلیئرڈ اسپورٹس کر رہی ہے۔
جنرل سیکریٹری نوید کپاڈیا نے ورلڈ کنفیڈریشن آف بلیئرڈ اسپورٹس کی مینجمنٹ کمیٹی اور جمہوریہ چین کے قونصل خانے کا بھی خصوصی شکریہ ادا کیا، جنہوں نے محمد آصف کے ویزے کے اجرا میں قلیل وقت میں تعاون فراہم کیا۔
محمد آصف7 اگست 2025 کو رات 11:30 بجے کراچی سے تھائی ایئر ویز کی پرواز نمبر ٹی جی- 342 کے ذریعے چین روانہ ہوں گے۔
پاکستان بلیئرڈ اینڈ اسنوکر ایسوسی ایشن (پی بی ایس اے) نے امید ظاہر کی ہے کہ محمد آف چین میں ہونے والے ورلڈ گیمز میں اپنی شاندار کارکردگی کو برقرار رکھتے ہوئے ملک پاکستان کا نام روشن کریں گے۔
