انٹرنیشنل کرکٹ کونسل (آئی سی سی) نے مینز ون ڈے کرکٹر آف دی ایئر 2024 کا اعلان کر دیا ہے، جس میں افغانستان کے آل راؤنڈر عظمت اللہ عمرزئی کو اس اعزاز سے نوازا گیا ہے۔ وہ یہ ایوارڈ حاصل کرنے والے پہلے افغان کرکٹر بن گئے ہیں۔
آئی سی سی کے مطابق عظمت اللہ عمرزئی نے سال 2024 میں شاندار کارکردگی کا مظاہرہ کیا، انہوں نے 14 ون ڈے میچز میں 417 رنز بنائے اور 17 وکٹیں حاصل کیں۔ اس بہترین کارکردگی کے باعث وہ آئی سی سی کی سال 2024 کی ون ڈے ٹیم آف دی ایئر کا بھی حصہ بنے۔
یہ ایوارڈ جیتنے کے لیے عظمت اللہ کا مقابلہ سری لنکا کے کوسال مینڈس اور وانندو ہسارنگا، جبکہ ویسٹ انڈیز کے رتھرفورڈ سے تھا۔
