کےپی کے انڈر 23 انٹر ریجنل گیمز 28 مئی سے شروع ہونگی

خیبر پختونخوا انڈر 23 انٹر ریجنل گیمز 28 مئی سے شروع ہوں گی جس کا افتتاح وزیر اعلیٰ خیبر پختونخوا علی امین گنڈاپور کریں گے جبکہ وہ اسی روز حیات آباد اسپورٹس کمپلیکس میں واقع کرکٹ اسٹیڈیم کا بھی افتتاح کرینگے جس کا  تعمیراتی کام مکمل ہوگیا ۔ ڈائریکٹر جنرل اسپورٹس خیبر پختونخوا عبدالناصر نے صحافیوں سے گفتگو کرتے ہوئے کہا کہ دو سال  بعد ڈائریکٹوریٹ آف اسپورٹس نے پہلے انٹر مدارس گمیز، خصوصی صلاحیتوں کے حامل افراد گیمز منعقد کرائے اور اب انڈر 23 گیمز کرانے جا رہے ہیں جس میں 1850 مرد و خواتین کھلاڑی 20 کھیلوں میں حصہ لیں گے 770 خواتین 9 گیمز جبکہ 1150 مرد کھلاڑی 11 گیمز میں حصہ لیں گے۔