دنیا کے بلند ترین پہاڑ ماؤنٹ ایورسٹ کے برفانی ماحول میں پاکستان اور بھارت کے ریسلرز ایک دوسرے سے ٹکرائیں گے۔
دونوں حریف برف پوش پہاڑ پر ایک دوسرے کو زیر کرنے کی جستجو کرتے ہوئے عالمی ریکارڈ قائم کرنے کی کوشش کریں گے، پاکستان کے انٹرنیشنل ریسلر بلال آفریدی کا مقابلہ بھارت کے ’سمراٹ ویرن اورا‘ سے ہوگا۔
انٹرنیشنل ریسلنگ میں کوویو بران ڈون کی عرفیت کے حامل بلال آفریدی نے ہفتہ کو کراچی پریس کلب پر تفصیلات سے بتاتے ہوئے مزید کہا کہ حکومت نیپال کی زیر نگرانی سطح سمندر سے 5 ہزار 644 میٹرز کی بلندی پر برفانی ماحول میں چیلنج فائٹ ہوگی، 9 مارچ کو بھارتی ریسلر گوپال شرما کو شکست دینے پر بھارت ہی کے سمراٹ کا چیلنج انہوں نے قبول کیا۔ اس موقع پر آر ایس ڈبلیو کے مصطفٰی علی خان اور ایس ایم سجاد بھی موجود تھے۔
