گورنر خیبر پختونخوا فیصل کریم کنڈی کا عالمی انڈر 23 سکواش چیمپئن شپ جیتنے پر پاکستانی کھلاڑی نور زمان کو خراج تحسین پیش کیا ہے اوراپنے بیان میں گورنر خیبرپختونخوا فیصل کریم کنڈی نے کہا کہ ورلڈ سکواش چیمپئن شپ جیتنے پر نورزمان سمیت پوری قوم کو مبارکباد پیش کرتا ہوں،نوجوان کھلاڑی نورزمان نے سکواش میں ایکبار پھر خیبرپختونخوا کا نام روشن کر دیا۔
انہوں نے کہا ہے کہ نورزمان صرف خیبرپختونخوا ہی نہیں بلکہ پورے ملک کیلئے باعث فخر ہیں، نور زمان نے اپنے بہترین کھیل سے پاکستان کا نام پوری دنیا میں روشن کیا۔
