پاکستان انگلینڈ ٹیسٹ سیریز کے سلسلے میں انگلینڈ کرکٹ بورڈ کے سیکیورٹی وفد نے نیشنل بینک اسٹیڈیم کا دورہ کیا۔
تین رکنی وفد نے اسٹیڈیم کے مختلف حصوں کا دورہ کیا، سیکیورٹی وفد نے جاری تعمیراتی کام کا بھی جائزہ لیا، وفد کے ارکان نے تصاویر بھی بنائیں، پی سی بی حکام نے وفد کو سیکیورٹی انتظامات کے حوالے سے ضروری بریفنگ بھی دی۔
وفد کے ارکان نے اس موقع پر حفاظتی انتظامات کو مزید بہتر بنانے کے لیے بعض تجاویز بھی دیں۔ وفد اپنی رپورٹ انگلینڈ کرکٹ بورڈ (ی سی بی) کو پیش کرے گا جس کی روشنی میں انگلینڈ ٹیم کے دورہ پاکستان کا فیصلہ ہوگا۔
پاکستان انگلینڈ ٹیسٹ سیریز کا دوسرا میچ 15 اکتوبر سے کراچی میں شیڈول ہے ۔اس سلسلے میں پہلا میچ 7 اکتوبر سے ملتان جبکہ تیسرا اور آخری ٹیسٹ 24 اکتوبر سے پنڈی میں کھیلا جائے گا۔
