پاکستان کے جارح مزاج اوپنر فخر زمان کے پاس چیمپئنز ٹرافی کے افتتاحی میچ میں سابق کپتان شاہد آفریدی کا ریکارڈ توڑنے کا بہترین موقع ہے۔
آئی سی سی چیمپئنز ٹرافی کا آغاز کل سے ہو رہا ہے، اور افتتاحی میچ دفاعی چیمپئن پاکستان اور نیوزی لینڈ کے درمیان نیشنل اسٹیڈیم کراچی میں کھیلا جائے گا۔ اس میچ میں فخر زمان کے پاس موقع ہے کہ وہ شاہد آفریدی کا اہم ریکارڈ توڑ کر اپنے نام کر لیں۔
شاہد آفریدی نے نیوزی لینڈ کے خلاف 35 اننگز کھیل کر 1078 رنز بنا رکھے ہیں، جبکہ فخر زمان نے کیویز کے خلاف 19 اننگز میں 1053 رنز اسکور کیے ہیں۔ اگر فخر زمان 26 رنز کی اننگ کھیلنے میں کامیاب رہتے ہیں تو وہ شاہد آفریدی کو پیچھے چھوڑ دیں گے۔ اس کے علاوہ، اگر وہ سنچری اسکور کرتے ہوئے 131 رنز کی اننگ کھیل لیتے ہیں تو وہ نیوزی لینڈ کے خلاف سب سے کم اننگز میں سب سے زیادہ رنز کرنے والے قومی بیٹر بن جائیں گے۔
اس وقت نیوزی لینڈ کے خلاف سب سے زیادہ رنز بنانے کا ریکارڈ سابق پاکستان کپتان انضمام الحق کے پاس ہے، جنہوں نے 42 اننگز میں 1283 رنز بنائے۔ دوسرے نمبر پر سابق اسٹائلش اوپنر سعید انور ہیں جنہوں نے 32 اننگز میں 1260 رنز اسکور کیے۔
