ڈائریکٹوریٹ جنرل سپورٹس خیبر پختونخوا کے تحت انٹر ریجنل ہاکی کپ 19 فروری سے کھیلا جارہا ہے جس میں صوبے کے ساتوں ریجنز کے کھلاڑی شرکت کریں گے۔ یہ ٹورنامنٹ 23 فروری تک جاری رہے گا۔
ایونٹ میں پشاور، مردان، ملاکنڈ، ہزارہ، کوہاٹ، بنوں اور ڈی آئی خان کی ٹیمیں حصہ لے رہی ہیں۔ 19 تاریخ کو اسکا پہلا راؤنڈ قیوم سپورٹس کمپلیکس میں ہوگا۔یہ ٹورنامنٹ صوبائی ہاکی ایسوسی ایشن کے تعاون سے منعقد ہورہا ہے ۔ ٹورنامنٹ کے اختتامی روز خیبر پختونخوا کے وزیر کھیل اور امور نوجوانان سید فخر جہان مہمان خصوصی ہوں گے۔
